Plantun de Prouvènço

Pèr coumpara dos planto d'encò nostre

Gentiana lutea & Bupleurum stellatum

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Buplèvre(-estela)

Bupleurum stellatum

Apiaceae Umbelliferae

Nom en français : Buplèvre étoilé.

Descripcioun :
Aquéu buplèvre trachis dins li roucas e li tepiero séusouso de mountagno. Èi mai coumun à l'uba de noste relarg. Se recounèis à si gràndis enflourejado qu'an de lòngui brateolo soudado e jauno. Li fueio soun longo e en lanço e parton de la baso que la cambo èi quàsi nuso. Lou fru de 4 à 5 mm, poulidet, porto de gròssi costo (vèire li fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2,5 à 3 cm
Flourido : Estiéu

Sòu : Si
Autour basso e auto : 1200 à 2700 m
Aparado : Noun
Remarco : Endemico dis Aup
Juliet à avoust

Liò : Roucas - Tepiero roucaiouso - Champino
Estànci : Mountagnard à Aupen
Couroulougi : Ouroufito-Cèntre-Éuroupenco
Ref. sc. : Bupleurum stellatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana lutea & Bupleurum stellatum

ges

Coumpara Genciano emé uno autro planto

Coumpara Buplèvre(-estela) emé uno autro planto